- ម៉ៃ ទិត្យថារ៉ា
- ភ្នំពេញប៉ុស្តិ៍
ក្នុងសេចក្តីថ្លែងសារផ្ទាល់មាត់ ប្រមាណ៣០នាទី នៅវិមានសន្តិភាព លោកនាយករដ្ឋមន្ត្រី ហ៊ុន សែន បានលើកហេតុផលពីការលុបចោលរាជពិធីបុណ្យអុំទូកនៅឆ្នាំនេះថា ដោយសារតែបញ្ហាទឹកធំឡើងខ្ពស់ជាងឆ្នាំ២០០០។ លោកមានប្រសាសន៍ថា៖ «រហូតដល់ថ្ងៃទី១៣តុលា ឆ្នាំ២០១១ ទឹកទន្លេនៅតែឡើងធំ លើសពីកម្រិតប្រកាសអាសន្ន នៅគ្រប់ទីកន្លែង ពិសេសនៅភ្នំពេញ មុខព្រះបរមរាជវាំង ដែលជាកន្លែងប្រារព្ធពិធីបុណ្យអុំទូក គឺទឹកឡើងខ្ពស់ ដែលអាចបង្កគ្រោះថ្នាក់ជាយថាហេតុ ដល់ក្រុមអ្នកអុំទូក ង ដែលមានប្រមាណមិនតិចជាង ៤០០ គ្រឿង»។
រាជពិធីបុណ្យអុំទូកឆ្នាំនេះ ដែលគ្រោងនឹងធ្វើនៅថ្ងៃទី៩ ,១០ និងទី១១វិច្ឆិកា នៅភ្នំពេញលោកនាយករដ្ឋមន្រ្តីលើកឡើងថា គឺនឹងមានកម្លាំងចំណុះទូក ជាប្រជា-កសិករមកពីតាមបណ្តាខេត្តនានានៅ ទូទាំងប្រទេស ឡើងមកភ្នំពេញ ដែលនាំឲ្យខាតពេលវេលា ក្នុងការធ្វើស្រែចម្ការនៅពេលទឹកស្រក។ ម្យ៉ាង រដ្ឋាភិបាលក៏ត្រូវចាត់កម្លាំងការពារសន្តិសុខ និងចំណាយថវិកាមិនតិចជាង១០លានរៀលទេ។ លោកបញ្ជាក់ថា៖ «ដូច្នេះយើងត្រូវសន្សំថវិកា និងធនធានមួយចំនួន ដើម្បីស្តារឡើងវិញនូវគ្រោះទឹកជំនន់»។
No comments:
Post a Comment